KICHIK SANOAT ZONASI FAOLIYATI OʻRGANILDI 

Xalq deputatlari Quva tuman Kengashi deputatlari, Kengash
huzuridagi Yoshlar maslahat guruhi aʼzolari bilan birgalikda Mingchinor
qishlogʻida joylashgan “Turk-1” kichik sanoat zonasida sanoatni rivojlantirish,
aholi bandligini taʼminlash, xotin-qizlar, ayniqsa yoshlar uchun yangi ish
oʻrinlarini yaratish borasida amalga oshirilayotgan ishlar holatini
oʻrganish doirasida hududda yaqinda
tashkil etilgan “Naqqosh Ulugʻbek” xususiy korxonasiga boʻlib, u yerdagi sharoitlarni
oʻrgandilar.  

Mazkur korxona yumshoq mebellar toʻplami, zamonaviy
stol-stullar kabi jami 30 turdagi mahsulotlarni ishlab chiqarishga
ixtisoslashgan. Ayni paytda korxonada 10 nafar yoshlarning doimiy bandligi
taʼminlangan boʻlib, kelgusida ishlab chiqarish hajmini kengaytirish orqali
yangi ish oʻrinlari yaratish rejalashtirilgan. 

Shuningdek, tashrif davomida mahsulotlarni ichki va tashqi
bozorlarga chiqarish, buyurtmalar hajmini oshirish, ishlab chiqarishni
diversifikatsiya qilish hamda zamonaviy texnologiyalarni joriy etish masalalari
yuzasidan fikr almashildi. 

Yakunida deputatlar tomonidan korxona rahbariga faoliyatini
yanada rivojlantirish, yoshlar bandligini oshirish, ishlab chiqarish koʻlamini
kengaytirish va davlat tomonidan yaratilayotgan imtiyoz hamda
qoʻllab-quvvatlash mexanizmlaridan samarali foydalanish boʻyicha amaliy
tavsiyalar berildi.