Халқ депутатлари Наманган вилояти Кенгаши котибияти мудири Т. Гаппаров, вилоят Кенгашининг Фан, таълим ва соғлиқни сақлаш масалалари бўйича доимий комиссияси раиси Н. Назарова, туман Кенгаши раиси М. Сойиббаев ҳамда туман Кенгаши котибияти мудири О.Хошимов томонидан Тўрақўрғон туманида жойлашган туман марказий деҳқон бозори МЧЖда ўрганиш ишлари олиб борилди.

Ўрганиш жараёнида аҳоли учун ташкил этилган арзонлаштирилган озиқ-овқат ярмаркаси фаолияти, маҳсулотлар ассортименти, уларнинг сифати ва нарх-наволарининг аҳоли учун мақбуллиги атрофлича таҳлил қилинди. Шунингдек, бозордаги савдо жараёнларининг шаффофлиги, нархларнинг барқарорлиги ҳамда сунъий ошириш ҳолатларининг олдини олишга қаратилган чора-тадбирлар ҳам ўрганилди.

Масъуллар томонидан тадбиркорлар ва сотувчилар билан мулоқотлар ўтказилиб, аҳолини арзон ва сифатли озиқ-овқат маҳсулотлари билан таъминлаш, нархларни асоссиз оширмаслик бўйича тушунтириш ишлари олиб борилди. Шу билан бирга, бозор инфратузилмаси, савдо учун яратилган шароитлар ҳам кўздан кечирилди.