Boyovut tajribasi asosida ishlab chiqilgan “Yo‘l xaritasi”da belgilangan vazifalar ijrosi doirasida Xalq deputatlari Sirdaryo viloyat Kengashining 2023-yil 14-dekabrdagi “Viloyatdagi mahallalarda ijtimoiy-iqtisodiy va aholi turmush sharoitini yaxshilashda amalga oshirilishi lozim bo‘lgan chora-tadbirlarni jadallashtirish to‘g‘risida”gi VI-57-178-9-0-K/23-sonli qaroriga asosan Boyovut tumani “Boboyurt” mahalla fuqarolar yig‘inidagi bir nechta ko‘chalarda yo‘l qurilishi ishlari belgilangan edi.

Mazkur qarorga muvofiq, “Turkman” ko‘chasiga 0,6 km va “Tojimaxal”ni bog‘lovchi ko‘chasiga 0,25 km uzunlikda asfalt qoplamasi yotqizilishi rejalashtirilgan va bugungi kunga kelib bu ishlar to‘liq yakunlandi.

Shu munosabat bilan, amalga oshirilgan ishlar sifatini o‘rganish va joylardagi holat bilan tanishish maqsadida Xalq deputatlari Boyovut tumani Kengashining 10-Boboyurt saylov okrugi deputati Eldor Erkaboyev tomonidan yuqorida nomlari keltirilgan ko‘chalarda o‘rganish ishlari olib bordi.