Urganch shahridagi 6-sonli umta’lim maktabida hududda faoliyat olib borayotgan xalq vakillari, keksa-nuroniylari, faol yigit-qizlari va faollariniham jamlagan “Uch avlod uchrashuvi” bo‘lib o‘tdi.

Uchrashuvda xalq deputatlari shahar Kengashi deputati M.Jumaniyozova hamda yoshi ulug‘ otaxonlarimiz hayoti va mehnat faoliyati davomida to‘plagan boy tajribasi, yoshlik davridagi o‘ziga xos qiyinchiliklar, mehnat pallasidagi mashaqqatlar, nihoyat
nuroniylik paytida ko‘rsatilayotgan hurmat-ehtirom haqida o‘z dil so‘zlarini, samimiy fikrlarini bildirdi.

El-yurt ravnaqi yo‘lida mamlakatimiz rahbariga yaqin ko‘makchi, kamarbasta bo‘lish lozimligi uch avlodga mansub yurtdoshlarimiz o‘rtasida kechgan samimiy suhbatlar bosh mavzusiga aylandi.

Shahrimizning keksa-nuroniylari, faol yigit-qizlari, turli millatlar vakillari ishtirokida o‘tgan anjumanda so‘z olganlar uch avlod uchrashuvi mazmun-mohiyati, katta avlod vakillarining bosib o‘tgan yo‘li yoshlarga doimo ibrat bo‘lishi zarurligini tilga oldilar.

Shaharda turli mas’ul lavozimlarda fidokorona mehnat qilgan, bugun keksalik gashtini surayotgan faxriylar nomlari birma-bir sanab o‘tildi. Ayni paytda bugungi kunda ijtimoiy-siyosiy hayotda faol va tashabbuskorbo‘layotgan yoshlar ismlari tilga olindi.

Ona O‘zbekiston taraqqiyoti yo‘lida bir musht bo‘lib, davlatimiz rahbariga tayanch va suyanch bo‘lib, yashash, mehnat qilish, kelgusi avlodlarni shu ruhda kamol toptirish muqaddas burch ekani bir ovozdan baralla yangradi