Ўзбекистон ХДП Марказий Кенгаши, Ўзбекистон Республикаси Олий Мажлиси Қонунчилик палатасидаги партия фракцияси аъзолари, Қорақалпоғистон Республикаси Жўқорғи Кенгесидаги партия фракцияси, Халқ депутатлари туман ва шаҳар Кенгашларидаги партиямиз гуруҳлари аъзолари Қорақалпоғистон Республикасида олиб борилаётган ислоҳотлар ва уларнинг натижадорлиги билан боғлиқ жараёнларни ўрганиш ишларини олиб бормоқда.

🔹Ўзбекистон ХДП Марказий Кенгаши раиси ўринбосари У.Вафаев, Ўзбекистон ХДП Қорақалпоғистон Республика Кенгаши раиси, Қорақалпоғистон Республикаси Жўқорғи Кенгесидаги партия фракцияси раҳбари Х.Ешимбетов, Қорақалпоғистон Республикаси Жўқорғи Кенгесидаги партия фракцияси аъзоси Б.Хабибуллаев ва Халқ депутатлари Кегейли туман Кенгашидаги партия гуруҳи аъзолари иштирокида фуқароларга ижтимоий хизмат кўрсатиш, камбағалликни қисқартириш ва аҳоли бандлигини таъминлаш жараёнида юзага келаётган муаммоларни ўрганиш бўйича Кегейли тумани “Инсон” ижтимоий хизматлар маркази ҳамда Камбағалликни қискартиш ва бандлик бўлимида учрашувлар ўтказилди.

✅ Ушбу соҳа вакиллари билан мулоқот жараёнида соҳадаги ислоҳотлар ва келгуси вазифалар муҳокама этилиб, ечимини кутаётган масалалар бўйича таклифлар ҳам ўрганилмоқда.