Xalq deputatlari Ishtixon tuman Kengashi deputati N. Kiyamov Xonaqa mahallasida istiqomat qiluvchi saylovchilari bilan uchrashuv o‘tkazdi. Tadbir mahalla hayoti, muammolar va ularning yechimlari, shuningdek, deputatning hisoboti asosida tashkil etildi.

Deputat o‘z faoliyati davomida amalga oshirgan ishlar, xalq muammolarini kengash kun tartiblariga olib chiqish, murojaatlarni ko‘rib chiqish bo‘yicha olib borilgan sa’y-harakatlari yuzasidan ochiq axborot berdi. Shu bilan birga, deputatlik vakolatlari doirasida qanday tashabbuslar ilgari surilganini ham mahalla aholisi e’tiboriga havola qildi.

Uchrashuv davomida Xonaqa MFYdagi infratuzilma, ijtimoiy masalalar, bandlik, ijtimoiy faollik kabi dolzarb yo‘nalishlar bo‘yicha taklif va fikrlar olindi. Fuqarolar tomonidan bildirgan muammolar joyida qayd etilib, ularni hal etish bo‘yicha amaliy choralar belgilandi.

📢 Mahallada xalq bilan ochiq muloqotlar — deputatlik mas’uliyatining ajralmas qismi. Ana shunday uchrashuvlar orqali muammolar aniqlanadi, yechimlar topiladi va fuqarolarning ishonchi mustahkamlanadi.