Joriy yilning 21-may sanasida Xalq deputatlari Boyovut tumani Kengashi deputati Muattar Mirzajanova mahalla yettiligi bilan hamkorlikda 34-umumta’lim maktabida bitiruvchi o‘quvchi qizlar bilan uchrashuv o‘tkazdi. Tadbir “Erta turmush – yoshlar hayotiga tahdid” mavzusiga bag‘ishlandi.

Uchrashuv davomida erta turmushning salbiy oqibatlari, qizlarning ta’lim olishi va jamiyatdagi faol ishtirokining muhimligi, shuningdek, hayotiy maqsadlarni belgilash borasida ochiq suhbat olib borildi. Deputat o‘z chiqishida yoshlarga o‘z kelajagini puxta rejalashtirish, bilim olish va kasb egallash orqali jamiyatda munosib o‘rin egallash muhimligini ta’kidladi.

Tadbir yakunida o‘quvchi qizlar o‘zlarini qiziqtirgan savollarga javob olishdi va bu kabi uchrashuvlar ularning dunyoqarashini kengaytirishda muhim o‘rin tutishini bildirishdi.