Xalq deputatlari Yangibozor tuman Kengashiga 8- Al - Xorazmiy saylov okrugidan saylangan deputat Matyakubova Adiba o‘zi saylangan hududdagi 33-maktabda usta pedagog, buyuk inson — marhuma Natalya Masharipovna Tilyabayeva xotirasiga bag‘ishlab o‘tkazilgan tadbirda ishtirok etdi. 

Tadbirda deputat Matyakubova Adiba Natalya Masharipovna Tilyabayevaning ta’lim sohasidagi ko‘p yillik fidokorona mehnati, o‘quvchi-talabalarga yuksak bilim va tarbiya berishi, o‘qituvchilik faoliyatidagi ibratli hayot yo‘li haqida to‘lqinlantiruvchi
so‘zlar aytdi. 

Shuningdek, u buyuk ustozlarning xotirasini abadiylashtirish, yosh avlodni vatanparvarlik va mehnatsevarlik ruhida tarbiyalashda ana shunday tadbirlarning ahamiyati katta ekanini ta’kidladi. Xotira va qadrlash insonning ma’naviy yuksalishiga xizmat qiladigan, unutilmas dars ekani qayd etildi.  

Tadbir so‘ngida “Ustoz haqida xotiralar” mavzusida tashkil etilgan insholar tanlovi g‘oliblari tantanali ravishda taqdirlandi. G‘oliblarga diplom va esdalik sovg‘alari topshirildi.