Нөкис районы "Арбашы" аўыл пуқаралар жыйыны аймағындағы 7-санлы улыўма билим бериў мектебинде аймақ турғынлары менен "Тәрбия шаңарақтан басланады," "Кеңпейиллик бизге тән," "Ҳүждан еркинлиги ҳуқықы - турақлылық факторы" темаларында хәм 15-май — Халықаралық шаңарақ күни мүнәсибети менен үгит-нәсият жумыслары алып барылды.

Илажда шығып сөйлегенлер тәрепинен шаңараққа итибар ҳәм сергекликти асырыў, перзентлеримиздиң тәрбиясы изден шығып, жаўызлық идеялары тәсирине түсип қалмаўы, оларды билим алыўға, китап оқыўға қызықтырыў, сондай-ақ, халықтың әсиресе, жаслар арасында миллетлераралық татыўлық, кеңпейиллик орталығын беккемлеў, ҳүждан еркинлигин тәмийинлеў, жәмиеттеги унамсыз иллетлерге, қәўип-қәтерлерге қарсы гүресиў иммунитетин қәлиплестириў тийкарғы ўазыйпалардан екени ҳаққында сөз етилди.

Илажға Нөкис районы Халық депутатлары секретариаты баслығы Н.Сейтназаров, Дин ислери бойынша комитеттиң районлық бас қәнигеси Д.Тауекелов, "Ақмаңғыт таңы" газетасы редакторы А.Хожаназаров, Психология илимлери-докторы М.Өтепбергенов, районлық спорт мектеби директоры Б.Жуманиязов, районлық Мәлимлеме-китапхана орайы бөлим баслығы Е.Салимовлар қатнасты.