Bugun Urganch shahar hokimligi binosidagi deputatlar uchun ajratilgan maxsus majlislar zalida O‘zbekiston Respublikasi Oliy Majlisi Senati Kengashining 26.02.2025-yildagi QK-102-V-sonli qarori asosida xalq deputatlari shahar Kengashi huzurida tashkil qilingan Yoshlar maslahat guruhi a’zolari bilan davra suhbati o‘tkazildi.

Shahar Kengashi kotibiyati mudiri P.A.Ro‘ziboyev mazkur qarorda Yoshlar maslahat guruhi a’zolarini xalq deputatlari Kengashi
deputatlariga «ustoz-shogird» an’anasi asosida biriktirish, xalq deputatlari Kengashi doimiy komissiyalari bilan Yoshlar maslahat guruhining hamkorligini ta’minlash hamda ularni yoshlar masalalariga oid muhokamalar va nazorat-tahlil tadbirlariga jalb
etib borish tavsiya etilganligi to‘g‘risida ta’kidlab o‘tdi. 

Shuningdek, mamlakatimizda amalga oshirilayotgan qonunchilikdagi islohotlar samaradorligini «tengdosh-tengdoshga»
tamoyili asosida yoshlar o‘rtasida keng targ‘ib qilish va joylarda qabul qilingan qonunchilik hujjatlarining mazmun-mohiyatini tushuntirish, xalq deputatlari Kengashi doimiy komissiyalarining yoshlar masalalariga oid muhokamalari va nazorat-tahlil tadbirlarida ishtirok etish hamda hududlarda yoshlar muammolarini aniqlash va ularni bartaraf etishga doir takliflar ishlab chiqish Yoshlar maslahat guruhi faoliyatining asosiy ustuvor yo‘nalishlari etib belgilanganligi to‘g‘risida so‘zladi. 

Uchrashuv so‘ngida, Yoshlar maslahat guruhi a’zolari tomonidan bildirilgan takliflar, fikr-mulohazalar tinglandi.