✨ “Adolat” sosial-demokratik partiyasi Samarqand viloyat Kengashi hamda Samarqand Agroinnovatsiyalar va tadqiqotlar institutida "Korrupsiyaga qarshi kurashish" oyligi doirasida “Deputat va yoshlar” uchrashuvi tashkil etildi. 

👨‍💼 Tadbirda institut talabalari bilan bir qatorda “Adolat” sosial-demokratik partiyasi Samarqand viloyat Kengashi raisining birinchi o‘rinbosari Asqar Xoliqov, Xalq deputatlari Samarqand viloyat Kengashi deputatlari Inobat Boboqulova va Tolib Jahongirov ishtirok etdi.

🌐 Uchrashuvda korrupsiyaga qarshi kurashish mavzusi muhokama qilindi. Tadbir davomida Asqar Xoliqov va deputatlar yoshlar bilan korrupsiyaning salbiy ta’siri, uning oldini olish usullari va zamonaviy texnologiyalar yordamida oshkoralikni ta’minlash masalalarida fikr almashdilar. 

 ✅ Talabalar o‘z fikrlarini bildirish imkoniyatiga ega bo‘lib, ularning savollari va takliflari muhokama qilindi. Uchrashuvning maqsadi yoshlarni faol fuqarolar sifatida tarbiyalash, ularni korrupsiyaga qarshi kurashda jalb qilish va ushbu masalada xabardorligini oshirish edi.

✅Tadbir yakunida ishtirokchilar o‘zaro fikr almashish orqali samimiy muloqot o‘tkazdilar, bu esa yoshlarning ijtimoiy faolligini oshirishga xizmat qildi. Korrupsiyaga qarshi kurashish har bir fuqaroning burchi ekanligi ta’kidlandi va bunday uchrashuvlarning davom etishi zarurligi aytildi.