Xalq deputatlari Oltinsoy tumani Kengashi deputati A’zamat Karamatovich Mamatmuratov tomonidan Oltinsoy tumani Ichki ishlar bo‘limi boshlig‘i, podpolkovnik Sh.A. Narmuratovga rasmiy deputat so‘rovi yuborildi.

📹 Masalaning моhiyati: Deputatlar tomonidan saylovchilar bilan o‘tkazilgan uchrashuvlar hamda aholi murojaatlarini o‘rganish davomida Oltinsoy tumanidagi “Jiyanbobo” (15 dona), “Guliston” (10 dona) va “Qoratepa” (15 dona) mahallalarida jamoat xavfsizligini ta’minlash maqsadida jami 40 dona kuzatuv kameralari o‘rnatilganligi, biroq hozirgi kunga qadar ushbu kameralarning birortasi ham tegishli axborot tizimiga integratsiya qilinmagani aniqlangan.

Kuzatuv kameralarining yagona tizimga ulagani mavjud texnik imkoniyatlardan to‘liq foydalanish, shubhali holatlarni o‘z vaqtida aniqlash hamda huquqbuzarliklar va jinoyatlarning oldini olish imkoniyatini cheklamoqda.

🛡 So‘rovda quyidagi amaliy choralar ko‘rilishi so‘raldi:

“Jiyanbobo”, “Guliston” va “Qoratepa” mahallalarida o‘rnatilgan jami 40 dona kuzatuv kamerasining texnik holati hamda ishlash imkoniyatlarini o‘rganish;

Ushbu kuzatuv kameralarini belgilangan texnik talablar va amaldagi tartiblar asosida “Xavfsiz shaharcha” dasturiga integratsiya qilish choralarini ko‘rish;

Integratsiya jarayonida zarur texnik shart-sharoitlar, aloqa kanallari va boshqa infratuzilma masalalarini mas’ul tashkilotlar bilan hamkorlikda hal etish;

Kameralarni yagona tizimga ulash uchun qo‘shimcha texnik hamda tashkiliy choralarni belgilash va ularning amalga oshirilishini ta’minlash;

Masala ijrosi bo‘yicha mas’ul xodimlarni belgilab, o‘rganish va amaliy ishlar natijalari yuzasidan qonunchilikda belgilangan muddatda yozma ma’lumot taqdim etish.

Ushbu masalaning ijobiy hal etilishi mahallalarda jamoat xavfsizligini mustahkamlashga hamda aholining tinch va osoyishta hayot kechirishini ta’minlashga xizmat qiladi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz