”ҲОЖИОБОД” МАҲАЛЛАСИДА ЯНГИ ЛОЙИҲАЛАР — ЗАМОНАВИЙ ҚИЁФА САРИ
Уйчи туманида маҳаллаларни замонавий қиёфага келтириш, аҳоли учун муносиб яшаш шароитларини яратиш ва ҳудудларни комплекс ривожлантиришга қаратилган лойиҳалар изчил амалга оширилмоқда.
Жумладан, «Ҳожиобод» маҳалласида ҳудудни «Янги Ўзбекистон» қиёфасидаги замонавий маҳаллага айлантиришга қаратилган лойиҳалар ишлаб чиқилган.

Халқ депутатлари Уйчи туман Кенгаши депутати, туман ҳокими Музаффар Абдуллаев мазкур маҳаллага ташриф буюриб, режалаштирилган лойиҳалар билан жойида танишдилар.

Ташриф давомида ҳудуднинг мавжуд салоҳияти, инфратузилмани ривожлантириш, ободонлаштириш, аҳоли учун қулай шарт-шароитлар яратиш ҳамда маҳалланинг замонавий қиёфасини шакллантириш бўйича таклиф ва лойиҳалар муҳокама қилинди.

Масъулларга лойиҳаларни аҳоли эҳтиёжларидан келиб чиққан ҳолда такомиллаштириш, ҳудуд имкониятларидан самарали фойдаланиш ҳамда белгиланган вазифаларни сифатли ва ўз вақтида амалга ошириш юзасидан тегишли кўрсатмалар берилди.

🏘 Янги қиёфа — янги имкониятлар, замонавий инфратузилма эса аҳоли фаровонлиги учун мустаҳкам замин.