МАҲАЛЛАЛАРДА ОБОДОНЛАШТИРИШ ВА ТАДБИРКОРЛИКНИ ҚЎЛЛАБ-ҚУВВАТЛАШ БОРАСИДАГИ ИШЛАР ЎРГАНИЛМОҚДА

Халқ депутатлари Уйчи тумани Кенгаши котибияти бош мутахассиси Х. Холмирзаев томонидан Истиқлол маҳалла фуқаролар йиғинида маҳалла ҳудудини ободонлаштириш, озодалик ва кўкаламзорлаштириш ишлари, шунингдек, аҳоли бандлигини таъминлаш ҳамда тадбиркорликни қўллаб-қувватлаш йўналишларида амалга оширилаётган ишлар ўрганилди.
Ўрганиш жараёнида маҳалла ҳудудида санитария-тозалик ҳолатини яхшилаш, кўчаларни ободонлаштириш, дарахт ва манзарали кўчатларни парваришлаш, яшил ҳудудларни кенгайтириш борасида олиб борилаётган ишларга алоҳида эътибор қаратилди.
Шунингдек, маҳалла еттилиги томонидан аҳоли билан манзилли ишлаш, фуқароларнинг муаммоларини ўрганиш, уларни ҳал этишга кўмаклашиш, ишсиз фуқароларни даромадли меҳнатга жалб қилиш ва тадбиркорлик фаолиятини йўлга қўйиш истагида бўлган аҳоли вакилларини қўллаб-қувватлаш борасидаги фаолият таҳлил қилинди.