ЮЗ БИЛАН ЮЗЛАШГАНЛАР

Мустақиллик байрами арафасида Халқ депутатлари Уйчи туман Кенгаши депутати, туман ҳокими Музаффар Абдуллаев ҳамда «Нуроний» жамғармаси туман бўлими бошлиғи вилоят Кенгаши депутаи Тоҳиржон Исматиллаев асрга тенг умр кўрган нуроний онахонлар ҳолидан хабар олишди.

Меҳмонлар Ғайрат маҳалласида яшовчи 101 ёшли Ҳалчахон ая Ғозиева ҳамда Шафтоли маҳалласида истиқомат қилувчи 106 ёшли Фотимахон ая Қўчқорова хонадонига ташриф буюриб, табаррук онахонларни Мустақиллик байрами билан самимий қутладилар.

Асрга тенг умрни босиб ўтган, бой ҳаётий тажрибаси, оқилона ўгитлари ва дуолари билан эл-юртга барака улашиб келаётган онахонларнинг ҳолидан хабар олиниб, уларга байрам совғалари топширилди.

Нуроний онахонлар кўрсатилган юксак эътибор ва ғамхўрликдан мамнун бўлиб, юртимиз тинчлиги, халқимиз фаровонлиги, осмонимиз мусаффолиги ҳамда ёш авлоднинг бахтли келажаги учун дуо қилдилар.

Зеро, нуронийларни эъзозлаш — миллий қадриятларимизга хос эзгу фазилатлардан биридир.