Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat J.Abdixayomova tomonidan tumanning “Qoraboy” mahallasiga biriktirilgan xotin-qizlar faoli G.Suyerovaning faoliyati o‘rganildi.

🔵O‘rganish davomida xotin-qizlar faoli tomonidan ehtiyojmand ayollar bilan ishlash, ularning muammolarini aniqlash, murojaatlarini o‘rganish hamda mavjud muammolarni hal etish yuzasidan olib borilayotgan ishlar holatiga e’tibor qaratildi.

🔵Shuningdek, “Ayollar daftari”ga kiritilgan xotin-qizlarning ijtimoiy va iqtisodiy ahvolini yaxshilash, ularni har tomonlama qo‘llab-quvvatlash, bandligini ta’minlash, kasb-hunarga yo‘naltirish hamda tadbirkorlik faoliyatini boshlash istagidagi ayollarga ko‘maklashish masalalari ko‘rib chiqildi.

🔵O‘rganish yakunida xotin-qizlar faoliga “Ayollar daftari”ga kiritilgan xotin-qizlar bilan ishlashni tizimli davom ettirish, ularning muammolarini manzilli o‘rganish, mavjud imkoniyatlardan samarali foydalangan holda amaliy yordam ko‘rsatish hamda belgilangan vazifalar ijrosiga alohida e’tibor qaratish yuzasidan tavsiyalar berildi.