Xalq deputatlari Yangiobod tuman Kengashi raisi, deputat X. Tilakov hamda tuman Kengashi deputati A. Isroilov Sarmich aloqa bo‘limi faoliyatini o‘rgandi.

O‘rganish davomida aloqa bo‘limining kundalik faoliyati, aholiga ko‘rsatilayotgan xizmatlar sifati, fuqarolar uchun yaratilgan sharoitlar hamda xizmat ko‘rsatish jarayonining tashkil etilishiga e’tibor qaratildi. Shuningdek, aholi ehtiyojlarini o‘rganish, fuqarolarning murojaatlari bilan ishlash va xizmatlardan foydalanishda yuzaga kelishi mumkin bo‘lgan qiyinchiliklarni aniqlash masalalari muhokama qilindi.

Muloqot jarayonida aloqa bo‘limi faoliyatini yanada takomillashtirish, aholiga ko‘rsatilayotgan xizmatlarning qulayligi va samaradorligini oshirish, fuqarolar murojaatlariga mas’uliyat bilan yondashish hamda xizmat ko‘rsatish madaniyatini yuksaltirish muhimligi ta’kidlandi.

Deputatlar tomonidan mavjud holatni yanada yaxshilash, aholining talab va takliflarini inobatga olish, aniqlangan masalalar yuzasidan tegishli choralarni belgilash hamda xizmatlar sifatini muntazam nazorat qilib borish bo‘yicha tavsiya va takliflar bildirildi.