Xalq deputatlari tuman Kengashi deputati A.Isroilov tomonidan Havotog‘ QFYdagi ijtimoiy xodim faoliyati, xususan, fuqarolar bilan ishlash holati o'rganildi.

Jarayon davomida fuqarolarning murojaatlarini qabul qilish, ularning ijtimoiy ehtiyojlarini aniqlash, muammolarini o‘rganish hamda mavjud imkoniyatlardan kelib chiqib tegishli ko‘mak choralarini ko‘rish bo‘yicha amalga oshirilayotgan ishlar muhokama qilindi.

Shuningdek, ijtimoiy ko‘makka ehtiyojmand oilalar, keksalar, nogironligi bo‘lgan fuqarolar va boshqa ijtimoiy himoyaga muhtoj qatlamlar bilan manzilli ishlash, ularning holidan muntazam xabar olish hamda murojaatlarini tegishli tashkilotlarga yo‘naltirish masalalariga e’tibor qaratildi.

Deputat tomonidan fuqarolar bilan ishlashda qog‘ozdagi ma’lumotlar bilan cheklanib qolmasdan, muammoni joyiga chiqib ko‘rish, insonning real ehtiyojini aniqlash va imkon qadar amaliy yechimga erishish muhimligi ta’kidlandi.

Fuqarolarning murojaatlari, ijtimoiy masalalari va ehtiyojlarini o‘z vaqtida aniqlash hamda ularni tegishli tartibda hal etish yuzasidan mas’ullarga tegishli tavsiyalar berildi.