Xalq deputatlari tuman Kengashi deputati A.Isroilov tomonidan Havotog‘ QFY Uchturg‘on qishlog‘idagi oilaviy shifokorlik punktining kuz-qish mavsumiga tayyorgarlik holati o‘rganildi.

O‘rganish davomida tibbiyot punktining kuz-qish mavsumini betalofat o‘tkazishga tayyorgarligi, bino va xonalarning umumiy holati, isitish tizimining sozligi hamda tibbiyot xodimlari uchun yaratilgan sharoitlar ko‘zdan kechirildi.

Shuningdek, sovuq kunlarda aholiga, ayniqsa, bolalar va keksa yoshdagi fuqarolarga tibbiy xizmat ko‘rsatishda uzilishlarga yo‘l qo‘ymaslik, muassasada zarur haroratni ta’minlash hamda sanitariya-gigiyena talablariga rioya etish masalalariga e’tibor qaratildi.

Tibbiyot punktining mavsum davomida uzluksiz faoliyat yuritishi uchun zarur bo‘ladigan isitish vositalari, elektr ta’minoti, yoritish tizimi va boshqa muhim sharoitlar ham ko‘zdan kechirilib, mavjud masalalar yuzasidan mas’ullar bilan fikr almashildi.

Deputat tomonidan tibbiyot muassasasining kuz-qish mavsumiga tayyorgarligi faqat isitish tizimi bilan cheklanmasdan, bemorlar va tibbiyot xodimlari uchun xavfsiz, qulay hamda sanitariya talablariga javob beradigan muhitni ta’minlashni ham qamrab olishi zarurligi ta’kidlandi.

Aniqlangan masalalar yuzasidan mas’ullarga tegishli tavsiya va topshiriqlar berilib, ularning ijrosini ta’minlash hamda mavsum davomida yuzaga kelishi mumkin bo‘lgan muammolarning oldini olish masalalari deputatlik nazoratiga olindi.