#Deputatlik_faoliyati
#Kotibiyat_bosh_mutaxassis
#Fuqaro_muamosi
#24_ta_masala
#162_ta_Qonunlar_ijrosi

Bandixon tumanida deputatlik nazorati: "Bektepa" mahallasida ijtimoiy-huquqiy muhit va aholi murojaatlari tahlil qilindi

Bandixon tumanida aholi turmush darajasini oshirish, xonadonlardagi muammolarni manzilli aniqlash hamda qonun ustuvorligini ta’minlash borasida tizimli deputatlik nazorati choralari ko‘rilmoqda.

Xalq deputatlari Bandixon tumani Kengashining 2-Bektepa saylov okrugi deputati B.Yo‘ldoshev hamda Kengash kotibiyati bosh mutaxassisi E.Eshonqulov "Bektepa" mahalla fuqarolar yig‘inida xonadonbay o‘rganish ishlarini o‘tkazdilar. Monitoring davomida aholining yashash sharoitlari, bandligi va kommunal-infratuzilma masalalari ko‘rib chiqildi.

Shuningdek, O‘zbekiston Respublikasining “Huquqbuzarliklar profilaktikasi to‘g‘risida”gi O‘RQ-371-sonli Qonuni ijrosi doirasida hududiy profilaktika inspektorining ish faoliyati o‘rganildi. Ma’lum bo‘lishicha, tizimli profilaktik tadbirlar natijasida mahalla kriminogen holat bo‘yicha "yashil" toifada saqlanib kelmoqda.

Muloqotlarda ko‘tarilgan muammolar yuzasidan tegishli idoralarga deputatlik so‘rovlari yuborilishi belgilab olindi.