Xalq deputatlari tuman Kengashi deputati G.Raimova tomonidan tuman hokimligining Ijro intizomi nazorati bo‘limida “Normativ-huquqiy hujjatlar to‘g‘risida”gi Qonun talablarining ijrosi o‘rganildi.

O‘rganish davomida bo‘lim faoliyatida normativ-huquqiy hujjatlarni qabul qilish, ularni ijrochilarga o‘z vaqtida yetkazish, ijrosini nazoratga olish hamda belgilangan topshiriqlarning bajarilish holatiga e’tibor qaratildi.

Shuningdek, hujjatlar ijrosini monitoring qilish, mas’ul ijrochilarning vazifalarini belgilash, ijro muddatlariga rioya etish va aniqlangan kamchiliklarni bartaraf etish bo‘yicha amalga oshirilayotgan ishlar muhokama qilindi.

O‘rganish yakunida qonun talablaridan kelib chiqib, ijro intizomini yanada mustahkamlash, hujjatlar ijrosini o‘z vaqtida va sifatli ta’minlash yuzasidan tegishli tavsiyalar berildi.