#Kengash_raisi
#deputat_faoliyati
#haftalik_ish_reja_ijrosi

18-MAKTAB KUTUBXONASI FAOLIYATI O‘RGANILDI

Xalq deputatlari Termiz tuman Kengashi raisi, 20-Gulbahor saylov okrugi deputati S. Nazarov tomonidan Gulbahor MFY hududidagi 18-sonli umumta’lim maktabida kutubxona faoliyati o‘rganildi.

O‘rganish davomida kutubxonadagi mavjud adabiyotlar fondi, darslik va badiiy kitoblarning yetarliligi, kitoblarning saqlanish holati hamda o‘quvchilar uchun yaratilgan sharoitlar ko‘zdan kechirildi. Shuningdek, o‘quvchilarning kitobxonlikka bo‘lgan qiziqishini oshirish, ularni mutolaa jarayoniga keng jalb etish va kutubxona faoliyatini yanada takomillashtirish masalalariga e’tibor qaratildi.

O‘rganish yakunida maktab kutubxonasidan samarali foydalanish, kitobxonlik madaniyatini rivojlantirish hamda yoshlarning ma’naviy-intellektual salohiyatini yuksaltirish muhim vazifalardan biri ekani ta’kidlandi.