Xalq deputatlari Pastdarg‘om tumani Kengashining navbatdagi sessiyasida ko‘rib chiqilishi rejalashtirilgan kuz-qish mavsumiga tayyorgarlik holati masalasi yuzasidan sessiyaoldi o‘rganish ishlari davom etmoqda.
📍 Shu doirada tuman Kengashi deputati M. Pardayev tomonidan saylov okrugi hududida joylashgan Navro‘z MFYdagi 105-sonli umumta’lim maktabining kuz-qish mavsumiga tayyorgarlik holati joyiga chiqib o‘rganildi.
🔎 O‘rganish davomida maktabdagi mavjud isitish tizimlarining holatiga alohida e’tibor qaratildi. Maktabda 4 ta qozonxona hamda eski binoda 6 ta golland pechi mavjudligi aniqlandi.
⚠️ Shu bilan birga, isitish qozonxonalarining eskirgani va talab darajasida emasligi, bino ichidagi isitish tizimlarida ham qator muammolar mavjudligi qayd etildi.
🏀 Ayniqsa, maktabning sport zalida isitish tizimi umuman ishlamasligi aniqlanib, bu holat kuz-qish mavsumida o‘quvchilar uchun zarur shart-sharoitlarni ta’minlash nuqtayi nazaridan alohida nazoratga olindi.
📌 Aniqlangan kamchiliklarni bartaraf etish, isitish tizimlarini mavsumga puxta tayyorlash hamda o‘quvchilar uchun xavfsiz va qulay sharoit yaratish yuzasidan mas’ullarga tegishli tavsiyalar berildi.
👥 O‘rganish yakunlari navbatdagi Kengash sessiyasida ko‘rib chiqiladigan masala yuzasidan deputatlik nazorati doirasida umumlashtiriladi.