Termiz shahrida hududlarning sanitariya va obodonlashtirish holatini yaxshilash, chiqindilarni o‘z vaqtida olib chiqish hamda aholiga ko‘rsatilayotgan kommunal xizmatlar sifatini oshirish yuzasidan deputatlik nazorati davom ettirilmoqda.

Xalq deputatlari Termiz shahar Kengashining Agrar, suv xo‘jaligi va ekologiya masalalari bo‘yicha doimiy komissiyasi a'zosi, ekspert guruhi a'zosi, 15-“Tuproqqo‘rg‘on” saylov okrugi deputati D.Toshboyeva hamda Kengash kotibiyati bosh mutaxassisi R.Mamashukurov tomonidan “Tuproqqo‘rg‘on” mahallasida maishiy chiqindilarni yig‘ish va o‘z vaqtida olib chiqish holati o‘rganildi.

O‘rganish davomida mahalla hududidagi chiqindi to‘plash joylarining sanitariya holati, chiqindilarni belgilangan muddatlarda olib chiqib ketilishi, hududda chiqindilarning to‘planib qolishining oldini olish hamda obodonlashtirish ishlari bilan bog‘liq masalalarga e’tibor qaratildi.

Shuningdek, chiqindilarni olib chiqish xizmatining muntazamligi, mavjud muammolarni aniqlash va ularni tezkor bartaraf etish, mahalla hududida sanitariya va ekologik osoyishtalikni ta’minlash yuzasidan mas’ullar bilan fikr almashildi.