Xalq deputatlari Qo‘qon shahar Kengashi deputati M.Mavlonqulov tomonidan “Achchiqko‘l” mahalla fuqarolar yig‘inida yoshlar yetakchisi A.Moxirovning faoliyati o‘rganildi.

O‘rganish davomida mahallada yoshlar bilan olib borilayotgan ishlar, ularning muammolarini aniqlash, ijtimoiy qo‘llab-quvvatlash hamda yoshlar uchun yaratilayotgan imkoniyatlardan foydalanish holati ko‘rib chiqildi.

Ma’lum bo‘lishicha, mahallada 2 nafar yosh “Yoshlar daftari”ga kiritilgan. Ulardan bir nafarining oliy ta’lim muassasasidagi kontrakt to‘lovi, yana bir nafarining esa haydovchilik guvohnomasini olish uchun o‘quv kursi xarajatlari belgilangan tartibda to‘lab berilgan.

O‘rganish davomida yoshlarni qo‘llab-quvvatlash, ularning bandligini ta’minlash, ta’lim olishi va kasb-hunar egallashi uchun mavjud imkoniyatlardan samarali foydalanish masalalariga ham e’tibor qaratildi.

Yoshlar bilan ishlashda aniqlangan masalalar yuzasidan tegishli tavsiya va takliflar bildirilib, amalga oshirilayotgan ishlarning davomiyligi nazoratga olindi.

Xalq deputatlari Qo‘qon shahar Kengashi