Mahalladagi “yettilik” faoliyati o‘rganildi

Xalq deputatlari Namangan shahar Kengashi kotibiyati mudiri N.Ubaydullayev, Kengash kotibiyatining bosh mutaxassislari A.Nurmatov va M.Abdulmajidov tomonidan “Chaman” mahalla fuqarolar yig‘inida mahalla “yettiligi” faoliyati o‘rganildi.

O‘rganish davomida mahalla raisi, hokim yordamchisi va ijtimoiy xodimning xizmat faoliyati, aholi murojaatlari bilan ishlash, fuqarolarning muammolarini aniqlash va bartaraf etish, bandlikni ta’minlash hamda ijtimoiy himoyaga muhtoj fuqarolarni qo‘llab-quvvatlash borasida amalga oshirilayotgan ishlar holati ko‘zdan kechirildi.

Shuningdek, mahallada kambag‘allikni qisqartirish, aholi bandligini ta’minlash, ijtimoiy xizmatlardan foydalanish imkoniyatlarini kengaytirish hamda ehtiyojmand oilalarni manzilli qo‘llab-quvvatlash yuzasidan olib borilayotgan ishlar yuzasidan mas’ullarning axborotlari tinglandi.

Muloqot davomida aholi murojaatlarini o‘z vaqtida ko‘rib chiqish, muammolarni tizimli ravishda hal etish, davlat organlari va tashkilotlar bilan hamkorlikni yanada mustahkamlash hamda mahalla “yettiligi” faoliyati samaradorligini oshirish masalalariga alohida e’tibor qaratildi.