Mahallada kambag‘allikni qisqartirish ishlari o‘rganildi

Xalq deputatlari Termiz tuman Kengashi mutaxassisi T.Murodov tomonidan Mustaqillik MFYda hokim yordamchisi tomonidan amalga oshirilayotgan ishlar, xususan, aholini kambag‘allikdan chiqarish, oilalarning daromad manbalarini oshirish va bandligini ta’minlash borasidagi ishlar o‘rganildi.

O‘rganish jarayonida mahalladagi ehtiyojmand oilalar bilan ishlash, ularni mavjud imkoniyatlardan foydalanishga yo‘naltirish, kasb-hunarga o‘qitish, tadbirkorlik faoliyatini yo‘lga qo‘yish, kredit va subsidiya imkoniyatlaridan foydalanish hamda doimiy daromad manbalarini yaratish bo‘yicha amalga oshirilayotgan ishlar tahlil qilindi.

Shuningdek, aholining murojaatlari va muammolari joyiga chiqqan holda o‘rganilib, aniqlangan masalalarni tegishli tashkilotlar bilan hamkorlikda hal etish yuzasidan takliflar bildirildi.

Mazkur o‘rganishlar “Mahalliy Kengash deputati faoliyatining eng muhim yo‘nalishlari bo‘yicha tavsiyalar” asosida, hududdagi ijtimoiy-iqtisodiy masalalar ustidan deputatlik nazoratini kuchaytirish maqsadida amalga oshirildi.