Ijtimoiy xizmatlar ko‘rsatish holati o‘rganildi

Xalq deputatlari Termiz tuman Kengashi 18-Do‘stlik saylov okrugi deputati A. Abdullayev tomonidan Do‘stlik MFYda yashovchi Jumayeva Shahodat Baxtiyorovnaning xonadoniga borilib, mahallada aholining ijtimoiy ehtiyojmand toifalariga ko‘rsatilayotgan xizmatlarning amaliy holati o‘rganildi.

O‘rganish davomida fuqaroga mahalladagi ijtimoiy xodim tomonidan qanday xizmatlar ko‘rsatilayotgani, uning ijtimoiy ehtiyojlari o‘rganilgani, zarur ko‘mak va xizmatlar bilan ta’minlanishi holati ko‘zdan kechirildi.

Shuningdek, kam ta’minlangan va ijtimoiy himoyaga muhtoj oilalarga ijtimoiy nafaqalar hamda moddiy yordam tayinlash va to‘lash borasidagi ishlarning amalda qay darajada tashkil etilayotgani yuzasidan o‘rganish olib borildi.

Mazkur o‘rganish “Mahalliy Kengash deputati faoliyatining eng muhim yo‘nalishlari bo‘yicha tavsiyalar” asosida amalga oshirilib, aniqlangan masalalar yuzasidan tegishli tavsiya va takliflar berildi.

Ijtimoiy ehtiyojmand fuqarolarga ko‘rsatilayotgan xizmatlarning sifati va manzilliligi deputatlik nazorati doirasida kuzatib boriladi.