Aholi uchun qulay va xavfsiz infratuzilmani yaratish, mahallalar qiyofasini zamonaviylashtirish hamda piyodalar uchun munosib sharoitlarni ta’minlash borasidagi ishlar izchil davom ettirilmoqda.

Xalq deputatlari Yangiobod tuman Kengashi deputati A.Isroilov Sarmich mahallasida “Yangi O‘zbekiston qiyofasi” dasturi doirasida qurilayotgan piyodalar yo‘lagida olib borilayotgan qurilish ishlari bilan yaqindan tanishdi.

Tashrif davomida piyodalar yo‘lagining qurilish jarayoni, bajarilayotgan ishlarning sifati va belgilangan loyiha talablariga muvofiqligi ko‘zdan kechirildi. Shuningdek, yo‘lakning aholiga, ayniqsa, keksalar, bolalar va maktab o‘quvchilarining xavfsiz harakatlanishi uchun qanchalik qulay bo‘lishi masalalariga alohida e’tibor qaratildi.

Qurilish jarayonida piyodalar harakatining uzluksizligini ta’minlash, yo‘lakning mustahkam va foydalanish uchun qulay bo‘lishi, atrof hududni obodonlashtirish hamda yo‘l harakati xavfsizligi talablariga rioya etish muhimligi qayd etildi.

Deputat tomonidan amalga oshirilayotgan ishlarning faqat qurilish hajmi bilan emas, balki aholi uchun amaliy qulaylik yaratishi va kundalik hayot sifatini yaxshilashi bilan baholanishi lozimligi ta’kidlandi.

Shuningdek, qurilish ishlarini belgilangan muddatlarda yakunlash, foydalanilayotgan materiallarning sifatiga e’tibor qaratish hamda hududni obodonlashtirish ishlarini uyg‘un holda olib borish yuzasidan mas’ullarga tegishli tavsiya va takliflar bildirildi.