Deputat va mahalla yettiligi ishtirokida profilaktik yo‘nalishdagi yig‘ilish o‘tkazildi

🏫 Joriy yilning 2026-yil 9-aprel sanasida Namangan shahar Maktabgacha va maktab ta’limi bo‘limiga qarashli 46-son umumta’lim maktabida o‘quvchilar ota-onalari ishtirokida profilaktik yo‘nalishdagi yig‘ilish o‘tkazildi.

🏛 Mazkur yig‘ilishda Xalq deputatlari Namangan shahar Kengashi deputati To‘raboyeva Shaxnoza, mahalla yettiligi a’zolari, maktab ma’muriyati, sinf rahbarlari hamda bitiruvchi sinf o‘quvchilarining ota-onalari ishtirok etdilar.

🗣 Yig‘ilish davomida o‘quvchilar o‘rtasida erta turmush qurish holatlarining oldini olish, giyohvandlik va boshqa zararli illatlarga qarshi kurashish, voyaga yetmaganlarning avtomobil boshqarishiga yo‘l qo‘ymaslik, shuningdek, bitiruvchi sinflarda turli xil bitiruv kechalari, dabdabali tadbirlar hamda avtokortejlar tashkil etilishining oldini olish masalalariga alohida e’tibor qaratildi.

📋 Shuningdek, tadbir davomida ota-onalar bilan farzandlar tarbiyasi, ularning bo‘sh vaqtini mazmunli tashkil etish, nazoratni kuchaytirish hamda yoshlarni turli salbiy holatlardan asrash yuzasidan tushuntirish ishlari olib borildi.

⚠️ Yig‘ilishda yoshlar tarbiyasi, ularning sog‘lom turmush tarzi, ma’naviy-axloqiy kamoloti, xavfsizligi hamda kelajagiga salbiy ta’sir ko‘rsatishi mumkin bo‘lgan holatlarning oldini olish bugungi kunning dolzarb vazifalaridan biri ekani alohida ta’kidlandi.

🤝 Tadbir davomida deputat, mahalla faollari, maktab jamoasi va ota-onalar o‘rtasida o‘zaro fikr almashilib, voyaga yetmaganlar nazoratini kuchaytirish, yoshlar tarbiyasiga mas’uliyat bilan yondashish hamda hamkorlikni yanada mustahkamlash zarurligi qayd etildi.

✅ Yoshlar tarbiyasi va xavfsizligini ta’minlashda mahalla, maktab, ota-onalar hamda jamoatchilik hamkorligi muhim ahamiyat kasb etadi.