IJTIMOIY HIMOYAGA MUHTOJ OILA SHAROITI O‘RGANILDI

Xalq deputatlari Qo‘shko‘pir tuman Kengashi deputati M. Artiqova Uyg‘ur mahallasida bo‘lib, mahalla ijtimoiy xodimi D. Shomurotova bilan hamkorlikda Uyg‘ur MFY, Yoshlar ko‘chasi, 43-uyda istiqomat qiluvchi, Ijtimoiy himoya reyestrida turuvchi fuqaro Eshchanova Hikoyat Baxtiyorovna xonadonida bo‘ldi.
O‘rganish davomida oilaga yaratilgan ijtimoiy sharoitlar, ko‘rsatilayotgan amaliy yordam va davlat tomonidan berilayotgan imkoniyatlardan foydalanish holati bilan yaqindan tanishildi.
Xususan, fuqaroning xonadoniga Ijtimoiy himoya milliy agentligi tomonidan suvni tozalash qurilmasi o‘rnatilgani hamda ushbu ko‘makning oilaning kundalik turmush sharoitini yaxshilashdagi ahamiyati o‘rganildi.
Shuningdek, oila bilan suhbat davomida mavjud ehtiyojlar va muammolar tinglanib, ijtimoiy xizmatlardan foydalanish imkoniyatlari yuzasidan tushuntirishlar berildi. Aholining ijtimoiy himoyasini kuchaytirish, ehtiyojmand oilalarni manzilli qo‘llab-quvvatlash hamda ularga yaratilayotgan imkoniyatlardan samarali foydalanishini ta’minlash masalalariga alohida e’tibor qaratildi.
Mazkur o‘rganish deputatlik nazorati doirasida fuqarolarning qonuniy manfaatlarini himoya qilish, ijtimoiy ko‘makning manzilliligi va samaradorligini o‘rganish hamda aholi muammolarini joyida aniqlash maqsadida amalga oshirildi.
Aniqlangan masalalar yuzasidan tegishli tavsiyalar berilib, oilaning ijtimoiy sharoitini yaxshilashga qaratilgan ishlar deputatlik nazorati doirasida davom ettirilishi belgilandi.