Xalq deputatlari Qo‘qon shahar Kengashi deputati M.Axmedova tomonidan o‘z saylov okrugi hududiga qarashli “Qo‘shchinor” mahalla fuqarolar yig‘inida ijtimoiy reyestrga kiritilgan aholi xonadonlarida o‘rganishlar olib borildi.

O‘rganishlar davomida Toshpo‘lat O‘rozboyev ko‘chasi 30-uyda istiqomat qiluvchi fuqaro M.Omonovaning holidan xabar olindi.

Tashrif davomida fuqaroning turmush o‘rtog‘i bilan suhbat o‘tkazilib, oilaning yashash sharoiti, ijtimoiy holati, oilaviy sharoiti hamda mavjud ehtiyojlari bilan yaqindan tanishildi. Muloqot jarayonida oilada mavjud muammolar va ularni hal etish imkoniyatlari yuzasidan fikr almashildi.

Shuningdek, oilaning ijtimoiy holatini yaxshilash, zarur ko‘mak choralarini belgilash hamda mavjud imkoniyatlardan samarali foydalanish masalalariga e’tibor qaratildi. Aniqlangan masalalarni tegishli mutasaddilar bilan hamkorlikda hal etish bo‘yicha zarur choralar belgilab olindi.

Ijtimoiy reyestrga kiritilgan fuqarolarning xonadonlariga tashrif buyurib, ularning holidan xabar olish, muammolarini bevosita joyida o‘rganish va oilalarga manzilli ko‘mak ko‘rsatish borasidagi ishlar izchil davom ettirilmoqda.

Xalq deputatlari Qo‘qon shahar Kengashi