Xalq deputatlari Sharof Rashidov tuman Kengashi kotibiyati mudiri A.Raxmonov tomonidan Oqtosh ota mahallasida mahalla yettilig bilan Oliy Majlisi Senati Kengashining 2025-yil 14-yanvardagi KQ-35-V-sonli Qarori asosida mahallalarda mavjud muammolarni aniqlash va ularni bartaraf etishda “mahalla yettiligi” bilan hamkorlikdagi ustuvor vazifalar yuzasidan muhokamalar o‘tkazildi.
Xususan, hududdagi ijtimoiy muammolarni o‘z vaqtida aniqlash, aholi murojaatlari bilan tizimli ishlash, ehtiyojmand oilalarni qo‘llab-quvvatlash, yoshlar va xotin-qizlar bandligini ta’minlash hamda mahalla infratuzilmasini yaxshilash masalalariga alohida e’tibor qaratildi.
Shuningdek, mahalla “yettiligi” faoliyati bilan yaqindan tanishilib, hududdagi muammolarni bartaraf etish, aholi bilan ishlash samaradorligini oshirish hamda davlat organlari bilan hamkorlikni kuchaytirish yuzasidan amalga oshirilayotgan ishlar ko‘rib chiqildi.
Jumladan, mahalladagi hokim yordamchisi faoliyati tahlil qilindi.
2026-yilda ishsizlik va migratsiya darajasini pasaytirish hamda kambag‘allikni qisqartirish bo‘yicha belgilangan maqsadli ko‘rsatkichlarning ijrosi mahalla kesimida o‘rganildi.
O‘rganish davomida:
aholi, ayniqsa, yoshlar bandligini ta’minlash;
ishsiz fuqarolarni doimiy daromad manbai bilan ta’minlash;
ishsiz yoshlarga yer maydonlari ajratilib, ulardan samarali foydalanish va ekin ekish imkoniyatlarini yaratish;
xorijiy mehnat migratsiyasidan qaytgan fuqarolarni munosib ish bilan ta’minlash;
fuqarolarni o‘zini o‘zi band qilish orqali daromadli faoliyatga jalb etish;
tadbirkorlik faoliyatini boshlash istagidagi fuqarolarga amaliy ko‘mak ko‘rsatish masalalari muhokama qilindi.
Uchrashuv yakunida hududdagi mavjud muammolarni bosqichma-bosqich hal etish, “mahalla yettiligi” bilan hamkorlikni yanada mustahkamlash hamda mahallaning ijtimoiy-iqtisodiy rivojlanishiga qaratilgan ishlarni tizimli davom ettirish bo‘yicha o‘zaro kelishib olindi.