BIRIKTIRILGAN TASHKILOTLAR VA DOIMIY KOMISSIYALAR HAMKORLIGI DAVOM ETMOQDA
Xalq deputatlari Pastdarg‘om tumani Kengashi Ijtimoiy soha, yoshlar siyosati madaniyat va sport masalalari bo‘yicha doimiy komissiyasi tomonidan biriktirilgan tashkilotlar bilan hamkorlikni mustahkamlash, ularning faoliyatini o‘rganish va mavjud muammolarga amaliy yechim topish borasidagi ishlar izchil davom ettirilmoqda.
🏃‍♂️ Shu doirada deputat X.Turdiyev tomonidan Pastdarg‘om tumani 1-son bolalar-o‘smirlar sport maktabi faoliyati o‘rganildi.
O‘rganish davomida sport maktabida yoshlarni sportga keng jalb etish, ularning bo‘sh vaqtini mazmunli tashkil etish, sport to‘garaklari faoliyati hamda yosh sportchilar uchun yaratilgan shart-sharoitlar bilan tanishildi.
🤝 Shuningdek, deputat va sport maktabi mas’ullari o‘rtasida mavjud masalalarni muhokama qilish, hamkorlikni yanada kuchaytirish va yoshlar uchun yaratilayotgan imkoniyatlarni kengaytirish yuzasidan fikr almashildi.
📌 Yoshlar sporti, sog‘lom turmush tarzi va sport maktablari faoliyatini qo‘llab-quvvatlash — deputatlik e’tiborida!