Депутат тәрепинен Балалар спорт мектебинде жаратылған имканиятлар үйренилди

♻️ Халық депутатлары Шымбай районлық Кеңесиндеги ӨзХДП депутатлық топары ағзалары орынларда халықтың турмыс сапасын жақсылаў, әсиресе жаслар арасында саламат турмыс тәризин ғалаба ен жайдырыў бойынша избе-из жумысларды әмелге асырмақта.

Атап айтқанда, партия топары ағзасы Х.Абдижалиев райондағы Балалар спорт мектебинде болып, алып барылып атырған жумыслардың жағдайын үйренди.

✅ Үйрениў жумысларының баслы мақсети — халық арасында саламат турмыс мәдениятын қәлиплестириў, пуқаралардың физикалық белсендилигин арттырыў, әсиресе аўыллық жерлерде спорт пенен шуғылланыў имканиятларын еле де кеңейтиўден ибарат болды. Сондай-ақ, депутат спорт мектебинде жаслар үшын жаратылған имканиятлар, спорт заллларының жағдайы ҳәм спорт секцияларының ислеў процеси менен жақыннан танысты. Соның менен бирге, спорт тренерлери ҳәм мектеп жәмәәти менен сәўбетлесип, олардың алдында турған әҳмийетли мәселелер ҳәм усынысларын тыңлады.

✍️ Үйрениў жуўмағында анықланған мәселелерди унамлы шешиў, аўыллық аймақларда спорт инфраструктурасын еле де раўажландырыў ҳәм жасларды спортқа кеңнен тартыў бойынша тийисли усыныслар ислеп шығылды.