O‘zbekiston “Adolat” SDP Sardoba tumani Kengashi raisi B.Bekmurodov, tuman Kengashi deputatlari G.Saitboyev va G.Suvonqulova, shuningdek, Xalq deputatlari Sardoba tumani Kengashi kotibiyati bosh mutaxassisi L. Toshquvvatov tomonidan Sardoba tumanida “Hayotni tanla” loyihasi doirasida yoshlar o‘rtasida giyohvandlik vositalarining salbiy oqibatlarini tushuntirishga qaratilgan targ‘ibot-tashviqot tadbiri o‘tkazildi.
Tadbir davomida yoshlar bilan ochiq muloqot tashkil etilib, giyohvandlikning inson salomatligi, oilaviy muhit va jamiyat taraqqiyotiga salbiy ta’siri haqida batafsil ma’lumotlar berildi. Shuningdek, sog‘lom turmush tarzini targ‘ib qilish, bo‘sh vaqtni mazmunli tashkil etish hamda zararli illatlardan yiroq bo‘lish yuzasidan tavsiyalar va tushuntirish ishlari olib borildi.
Tadbirning asosiy maqsadi yoshlar ongida sog‘lom hayot tarzini shakllantirish, ularni giyohvandlik va boshqa zararli illatlardan asrash hamda kelajagimiz egalari bo‘lgan yoshlarni vatanparvarlik, mas’uliyat va yuksak ma’naviyat ruhida tarbiyalashdan iborat bo‘ldi. Bunday targ‘ibot tadbirlari kelgusida ham izchil davom ettiriladi.