Jalaquduq tumani hokimi, Xalq deputatlari tuman Kengashi deputati H.Latipov hamda Respublika ishchi guruhi vakillari tumandagi 12-sonli davlat maktabgacha ta’lim tashkilotida bo‘ldilar. Tashrif davomida mas’ullar muassasada bolajonlar uchun yaratilgan shart-sharoitlar, ta’lim-tarbiya jarayoni, taomnoma sifati va tarbiyalanuvchilarning har
tomonlama kamol topishi uchun tashkil etilgan qulay muhit bilan yaqindan tanishdilar. Ta’lim muassasasi rahbari, Xalq deputatlari tuman Kengashi deputati O.Xolmurodova mehmonlarga muassasa faoliyati, bolalarni bogʻchaga qamrab olish borasidagi ishlar hamda kelgusi rejalar haqida batafsil ma’lumot berdi. Ishchi guruhi vakillari va tuman hokimi bogʻchada yaratilgan sharoitlarni o'rganib, ta’lim va tarbiya sifatini yanada oshirish, bolajonlarning xavfsizligi hamda sogʻlom ovqatlanishini doimiy nazoratda tutish bo‘yicha tegishli tavsiya va ko‘rsatmalarni berib o‘tdilar.