O‘zbekiston Respublikasi Prezidentining 2026-yil 16-fevraldagi “Andijon viloyatini ijtimoiy-iqtisodiy rivojlantirishga
qaratilgan chora-tadbirlarni yanada jadallashtirish to‘g‘risida”gi PQ-62-sonli qarori ijrosini ta’minlash maqsadida tizimli ishlar amalga oshirilmoqda.Xususan, Jalaquduq tumani Kengashi raisi Sh. Hayitoxunov hamda deputat E. Qurbonov Yorqishloq hududidagi uzumchilikka ixtisoslashgan 6 ta mahallada bo‘lib, qaror ijrosi doirasida bajarilayotgan ishlar hajmini o‘rgandilar.Hududda sohani yanada rivojlantirish uchun ko‘chalarga zamonaviy temir ishkomlar (so‘kichaklar) o‘rnatilmoqda. Bugungi kunda mazkur sa’y-harakatlar o‘zining ijobiy samarasini bera boshladi — toklar mo‘l hosilga kirdi. Qurilayotgan yangi ishkomlar esa kelgusida “Yorqishloq” brendi ostida yetishtiriladigan shirin-shakar uzumlar
hajmini yanada oshirishga hamda aholi daromadlarini yuksaltirishga mustahkam zamin yaratadi.