Xalq deputatlari Qo‘qon shahar Kengashi deputati, Qo‘qon shahar hokimi M.A.Usmonov tomonidan “Tolzor” mahalla fuqarolar yig‘inida o‘tkazilgan fuqarolar qabuli davomida navbatdagi murojaatlar ko‘rib chiqildi.

Qabul jarayonida fuqaro D.Aminova avvalo farzandini uy-joy bilan ta’minlashda ko‘rsatilgan amaliy yordam uchun M.A.Usmonovga o‘z minnatdorligini bildirdi.

Shuningdek, fuqaro Amir Temur ko‘chasidagi 18-ko‘p qavatli uy oldida olib borilayotgan qurilish ishlari yuzasidan murojaat qilib, qurilish maydonida tozalik va sanitariya qoidalariga qat’iy rioya etilishi, obyektni belgilangan me’yorlar asosida tartibli tashkil etish hamda atrofdagi aholi uchun noqulayliklar yuzaga kelishining oldini olish zarurligini ta’kidladi.

Mazkur murojaat yuzasidan deputat, shahar hokimi M.A.Usmonov tomonidan masala zudlik bilan nazoratga olinib, qurilish jarayonida sanitariya va obodonlashtirish talablariga to‘liq rioya etilishini ta’minlash hamda aniqlangan kamchiliklarni bartaraf etish bo‘yicha mutasaddi tashkilotlar rahbarlariga tegishli topshiriqlar berildi.

Qabul yakunida murojaatda ko‘tarilgan masalani qisqa muddatlarda ijobiy hal etish va qurilish ishlarini belgilangan tartib hamda amaldagi me’yoriy talablar asosida davom ettirish yuzasidan zarur choralar ko‘rilishi belgilandi.

Xalq deputatlari Qo‘qon shahar Kengashi