📋 Májiliste rayon ekonomikasınıń turaqlı ósiwin támiyinlew, investiciyalıq ortalıqtı jaqsılaw, jańa jumıs orınların jaratıw hám sociallıq-ekonomikalıq rawajlanıw baǵdarında ámelge asırılıp atırǵan jumıslar dodalandı.
📈 Dáslep, Shomanay rayonınıń 2026-jılǵa belgilengen kompleks sociallıq-ekonomikalıq rawajlandırıw baǵdarlamasınıń orınlanıwı haqqındaǵı esabatı tıńlandı. Esabatta ekonomikanıń baslı tarawlarında erisilgen kórsetkishler, ámelge asırılǵan jobalar, xalıqtıń turmıs dárejesin jaqsılawǵa qaratılǵan ilajlar hám aldaǵı wazıypalar haqqında keńnen maǵlıwmatlar berildi.
🏭 Sonday-aq, Shomanay rayonı hákiminiń orınbasarı, Investiciyalar, sanaat hám sawda bólimi baslıǵınıń 2026-jıl II sheregi dawamında ámelge asırǵan jumısları haqqında esabatı tıńlandı. Esabatta investiciyalar tartıw, sanaat kárxanalarınıń iskerligin qollap-quwatlaw, eksport kólemin arttırıw, isbilermenlik subyektlerine qolay sharayatlar jaratıw hám jańa investiciyalıq jobalardı ámelge asırıw boyınsha alıp barılǵan jumıslar haqqında aytıp ótildi.
💼 Májiliste isbilermenlikti rawajlandırıw, jergilikli byudjet  túsimin arttırıw, investiciyalıq jobalardıń óz waqtında ámelge asırılıwın támiyinlew hám ekonomikalıq reformalardıń nátiyjeliligin arttırıw máselelerine ayrıqsha itibar qaratıldı.
💬 Esabatlar tıńlanǵannan soń turaqlı komissiya aǵzaları tárepinen máseleler boyınsha pikir almasıwlar bolıp, jumıslar sapasın jáne de jaqsılaw, anıqlanǵan máselelerdi sheshiw hám belgilengen kórsetkishlerge erisiw boyınsha tiyisli usınıslar hám pikirler bildirildi.
✅ Kún tártibindegi máseleler boyınsha tiyisli sheshimler qabıl etilip, turaqlı komissiyanıń juwmaqları tastıyıqlandı.
📑 Dodalangan máselelerdi Xalıq deputatları Shomanay rayonı Keńesiniń gezektegi sessiya májilisinde kórip shıǵıw ushın usınıs etiw haqqında tiyisli qararlar qabıl etildi.
🤝 Rayonnıń sociallıq-ekonomikalıq rawajlanıwın támiyinlew, investiciyalıq tarawdı jáne de rawajlandırıw hám xalıqtıń jasaw sharayatın arttırıwǵa qaratılǵan jumıslar izbe-iz dawam ettiriledi.