O‘zbekiston “Adolat” sotsial-demokratik partiyasidan 21-Al-Farobiy saylov okrugi bo‘yicha saylangan deputat Elmurod Amirov Toshkent shahar Mirzo Ulug‘bek tumanidagi Al-Farobiy va Humoyun mahallasi hududida o‘rganish ishlarini amalga oshirdi.

O‘rganishlar davomida fuqarolar tomonidan ichki yo‘llarni ta’mirlash, piyodalar uchun xavfsiz va qulay sharoitlar yaratish, hududni obodonlashtirish, ko‘cha yoritish tizimini yaxshilash hamda umumiy xavfsizlikni ta’minlash masalalari ko‘tarildi. Deputat joyiga chiqib, mavjud holatni ko‘zdan kechirdi va muammolarni bartaraf etish yuzasidan mas’ul tashkilotlar bilan hamkorlikda aniq chora-tadbirlar ko‘rib chiqdi.

Mazkur o‘rganish ishlari hududni yanada obod qilish, aholiga munosib yashash sharoitlarini yaratish va fuqarolar murojaatlarini o‘z vaqtida hal etishga xizmat qiladi.