Xalq deputatlari Qo‘qon shahar Kengashiga 29-“Oydinbuloq” saylov okrugidan saylangan deputat X.Abdullayev tomonidan o‘z saylov okrugi hududidagi “Ashirqulmergan” mahalla fuqarolar yig‘inida tasdiqlangan reja-grafik asosida “Mahalla yettiligi” bilan uchrashuv hamda o‘rganish ishlari olib borildi.

Uchrashuvda O‘zbekiston Ekologik partiyasi Qo‘qon shahar Kengashi raisi A.Akbarov ishtirok etdi. O‘rganish jarayonini tashkil etishda Xalq deputatlari Qo‘qon shahar Kengashi kotibiyati bosh mutaxassisi A.Adxamov tomonidan amaliy ko‘mak ko‘rsatildi.

O‘rganish davomida mahallada olib borilayotgan bunyodkorlik ishlari, aholini qiynayotgan dolzarb masalalar hamda hududni kompleks rivojlantirish bo‘yicha amalga oshirilayotgan ishlar yuzasidan fikr almashildi. Fuqarolar tomonidan bildirilgan murojaat va takliflar tinglanib, ularning yechimi bo‘yicha tegishli tavsiyalar berildi.

Shuningdek, davlat dasturlari doirasida yangi barpo etilayotgan “Ashirqulmergan” mahalla fuqarolar yig‘ini binosida olib borilayotgan qurilish ishlari joyiga chiqib o‘rganildi. Qurilishning borishi, loyiha hujjatlariga muvofiqligi, bajarilayotgan ishlarning sifati hamda qurilish muddatlariga rioya etilishi yuzasidan monitoring olib borildi.

O‘rganish jarayonida aniqlangan ayrim kamchiliklar yuzasidan pudratchi va mas’ul tashkilotlar vakillariga tegishli tavsiyalar berilib, ularni qisqa muddatlarda bartaraf etish hamda qurilish ishlarini belgilangan muddat va sifat talablariga muvofiq yakunlash zarurligi ta’kidlandi.

Xalq deputatlari Qo‘qon shahar Kengashi