M. Eshtemirov MFYda fuqarolar murojaatlari uyma-uy o‘rganildi

Xalq deputatlari Termiz tuman Kengashi deputati A. Avliyakulov tomonidan M. Eshtemirov MFY hududida fuqarolar murojaatlari joyiga chiqqan holda uyma-uy o‘rganildi.

O‘rganish davomida aholi bilan bevosita muloqot qilinib, ularni qiynayotgan ijtimoiy, kommunal, infratuzilma va boshqa dolzarb masalalar tinglandi. Bildirilgan murojaatlar tegishliligi bo‘yicha tahlil qilinib, ularni qonuniy va o‘z vaqtida hal etish yuzasidan mas’ul tashkilotlarga tegishli tavsiya hamda topshiriqlar berildi.

Fuqarolar bilan ochiq muloqot qilish, ularning muammo va takliflarini joyida o‘rganish hamda amaliy yechimlar ishlab chiqish deputatlik faoliyatining muhim yo‘nalishlaridan biri bo‘lib, bu kabi o‘rganishlar aholi manfaatlarini ta’minlash va murojaatlar bilan ishlash samaradorligini oshirishga xizmat qilmoqda.