Qonun ijrosi o‘rganildi

✅ Bugun xalq deputatlari tuman Kengashi deputati B.Qodirov tomonidan 07.05.1993 yildagi “Davlat uy-joy fondini xususiylashtirish to‘g‘risida”gi O‘zbekiston Respublikasining 846-XII-sonli Qonuni ijrosi va uning mazmun-mohiyatini keng jamoatchilikka yetkazish yuzasidan tuman elektr tarmoqlari korxonasida amalga oshirilayotgan ishlar o‘rganildi. Mazkur qonun fuqarolarning uy-joyga bo‘lgan mulk huquqlarini ta’minlash, davlat uy-joy fondidagi turar joylarni xususiy mulkka aylantirish hamda aholining ijtimoiy himoyasini kuchaytirishga qaratilgan muhim hujjatlardan biri hisoblanadi.

✅ O‘rganish jarayonida korxonada qonun talablarini bajarish, xodimlarning huquqiy savodxonligini oshirish, uy-joylarni xususiylashtirish bilan bog‘liq murojaatlar bilan ishlash holati hamda tushuntirish-targ‘ibot tadbirlari yuzasidan mas’ul xodimlarning axborotlari tinglandi. Shuningdek, fuqarolarga qonunchilikda belgilangan huquq va imtiyozlar, xususiylashtirish tartibi hamda murojaatlarni ko‘rib chiqish mexanizmlari yuzasidan olib borilayotgan ishlar tahlil qilindi.

✅ Deputat tomonidan qonun ijrosini yanada samarali tashkil etish, aholining huquqiy madaniyatini oshirish, murojaatlarni o‘z vaqtida va sifatli ko‘rib chiqish bo‘yicha tegishli tavsiyalar berildi. Shu bilan birga, korxona rahbariyati va mas’ul mutasaddilar bilan kelgusida bu boradagi ishlarni yanada kuchaytirish, fuqarolarga qulaylik yaratish hamda qonunchilik talablariga qat’iy rioya etish masalalari muhokama qilindi.

✅ O‘rganish yakunida aniqlangan holatlar yuzasidan tegishli taklif va tavsiyalar ishlab chiqilib, qonun ijrosini ta’minlash hamda fuqarolarning uy-joyga oid huquqlarini himoya qilish bo‘yicha ishlarni davom ettirish zarurligi ta’kidlandi.