🇺🇿 Xalq deputatlari Uchtepa tumani Kengashiga O'zbekiston "Adolat" SDPdan saylangan "24-Shirin" saylov okrugi deputati Mustafayeva Shahnoza Ermuxammadovna tomonidan “Toshkent suv ta’minoti” MChJ Uchtepa, Chilonzor tumanlararo oqova suv tarmoqlari bo‘limi boshlig‘i B.Meyrbekovga deputatlik so'rovi chiqarildi.

⚠️ Saylov okrugida istiqomat qiluvchi fuqarolar murojaatlari hamda hududga xizmat ko‘rsatuvchi “Yangi Hayot Uchtepa 22” boshqaruv servis kompaniyasi faoliyatini o‘rganish davomida Uchtepa tumani 26-mavzeda joylashgan 19-sonli ko‘p qavatli uyda mavjud kanalizatsiya tarmoqlari bilan bog‘liq muammolar aniqlanganligi ta'kidlangan.

📊 Ushbu o'rganish va tegishli ma'lumotlardan kelib chiqib, Uchtepa tumani 26-mavze, 19-sonli ko‘p qavatli uyga xizmat ko‘rsatuvchi kanalizatsiya tarmoqlarini tegishli mutaxassislar ishtirokida o‘rganib chiqish, texnik xulosa berish hamda zaruratga ko‘ra eskirgan quvurlarni almashtirish va ta’mirlash bo‘yicha amaliy choralar ko‘rish hamda ushbu masala bo‘yicha ko‘rilgan choralar va natijalar haqida qonunchilikda belgilangan muddatlarda xalq deputatlari Uchtepa tumani Kengashiga yozma axborot taqdim etish so'ralmoqda.

🗣 Deputatlik so‘rovida ko‘tarilgan masala yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.