SESSIYA KÚN TÁRTIBINE KIRITILIWI REJELESTIRILGEN MÁSELE BOYÍNSHA TURAQLI KOMISSIYA TÁREPINEN ÁMELGE ASIRILǴAN JUMISLARDI ÚYRENDI.

2026-jılda Bozataw rayonında ámelge asırılatuǵın investiciyalıq joybarlardıń orınlanıwı úyrenildi

Xalıq deputatları Bozataw rayonlıq Keńesiniń Jegilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiya aǵzaları tárepinen kelesi sessiya májilisiniń kún tártibine kiritiliwi rejelestirilgen Rayon hákimi orınbasarı – Investiciyalar, sanaat hám sawda bólimi baslıǵı S.Djumanazarovtıń 2026-jılda rayonda ámelge asırılatuǵın investiciyalıq joybarlardıń orınlanıw barısı boyınsha jumısları orınlarǵa shıǵıp úyrenildi.

Úyreniw dawamında rayon aymaǵında joybarlardı iske asırıp atırǵan “KENJEBEK DAWLETIYAR” JSHJ hám “MNAJATDINOV AZAMAT PARAXATOVICH” JSHJ tárepinen alıp barılıp atırǵan jumıslar menen tanısıldı. Sonıń menen birge joybarlardıń ámelge asırılıw dárejesi, jaratılatuǵın jańa jumıs orınları, investiciyalardı ózlestiriw kórsetkishleri hám rejelestirilgen is-ilajlardıń orınlanıwı boyınsha tiyisli tártipte kórip shıqtı.

Úyreniw juwmaǵında joybarlardıń óz waqtında hám sapalı ámelge asırılıwın támiyinlew, sonday-aq investiciyalıq ortalıqtı jaqsılaw boyınsha usınıslar berildi. Bul jumıslar rayon ekonomikasın rawajlandırıw, jańa jumıs orınların jaratıw hám xalıqtıń turmıs párawanlıǵın arttırıwǵa xızmet etedi.