Xalq deputatlari Shayxontohur tumani Kengashi deputati X.Raxmatov tomonidan mahalla faollari va fuqarolar tomonidan koʻtarilgan muhum masala yuzasidan deputatlik soʻrovi yuborildi.

Ushbu soʻrovga asosan yashil hududlarni kengaytirish nafaqat koʻchat ekish, balki ularni toʻgʻri parvarish qilish bilan bogʻliq. Shu jihatdan sugʻorish tizimini tartibga keltirish — “Yashil makon” loyihasining eng muhim bosqichlaridan biri hisoblanadi.

Har bir ekilgan daraxt va koʻchat doimiy eʼtibor va parvarish talab qiladi. Toʻgʻri yoʻlga qoʻyilgan sugʻorish tizimi esa ularning yashovchanligini bir necha barobar oshiradi.

Ushbu deputatlik soʻrovi tabiatga befarq boʻlmaslik va yashil kelajak poydevori boʻlib xizmat qilishiga qaratilgan.