Xalq deputatlari shahar Kengashi raisi P.Ro‘ziboyev hamda deputat D.Atayeva tomonidan "Shodlik" mahallasida aholi xavfsizligiga tahdid solayotgan muammo joyida o‘rganildi. Mahalladagi yaroqsiz holatga kelib qolgan va qulash xavfi bo‘lgan elektr simyog‘ochini tezkor tartibda yangisiga almashtirish
masalasi ko‘ndalang qo‘yildi.

Mazkur masala yuzasidan mahalla fuqarolar yig‘ini raisi hamda shahar elektr tarmoqlari korxonasi mas'ullari bilan birgalikda texnik ko‘rik o‘tkazildi. O‘rganish yakunlari bo‘yicha xavfli simyog‘ochni qisqa muddatlarda yangi temir-beton tayanchga almashtirish va elektr tarmoqlarini tartibga keltirish bo‘yicha
kelishuvga erishildi.

Maqsad — aholi xavfsizligini ta'minlash va uzluksiz elektr energiyasi yetkazib berish!