Xalq deputatlari shahar Kengashi deputati M.Jumaniyazova tashabbusi bilan kotibiyat mudiri P.Ro‘ziboyev bilan hamkorlikda shaharning "Navbahor" mahallasida xalq deputatlari shahar Kengashi sessiyasi qarori asosida ajratilgan mablag‘lar evaziga tashkil etilgan ijtimoiy yo‘lakcha o‘rganib chiqildi.

O‘rganish davomida qurilish ishlarining sifati, piyodalar uchun yaratilgan qulayliklar hamda loyihaning belgilangan me’yorlarga muvofiqligi ko‘zdan kechirildi. Mazkur yo‘lakcha hudud aholisi, ayniqsa, keksalar va nogironlarning xavfsiz harakatlanishi uchun muhim ijtimoiy ahamiyatga ega.

Deputat tomonidan olib borilgan suhbatlar davomida aholi vakillari ushbu tashabbusdan mamnun ekanliklarini bildirishdi. Shu bilan birga, kelgusida yo‘lakcha atrofini obodonlashtirish va tungi yoritish chiroqlarini o‘rnatish masalalari ham muhokama qilindi.