Mazkur o‘rganish jarayonida tuman Kengashi kotibiyati mutaxassisi Choriyeva Mahliyo ham ishtirok etdi. O‘rganish davomida mahalladagi yoshlar yetakchisi faoliyati bilan yaqindan tanishilib, u bilan suhbat olib borildi. Yoshlar bilan ishlash, ularning bandligini ta’minlash va ijtimoiy faolligini oshirish borasida amalga oshirilayotgan ishlar muhokama qilindi. Shuningdek, xotin-qizlar masalalari yuzasidan olib borilayotgan ishlar o‘rganilib, 4 ta oilada yarashtirish ishlari samarali tashkil etilgani qayd etildi. Bu boradagi ijobiy tajribalarni kengaytirish yuzasidan tavsiyalar berildi. Hududda olib borilayotgan obodonlashtirish ishlari ham ko‘zdan kechirildi. Mahalla infratuzilmasini yaxshilash, aholi uchun qulay sharoitlar yaratish borasida amalga oshirilayotgan ishlar e’tirof etildi. Bundan tashqari, mahallada aholi bandligini ta’minlash yo‘nalishida olib borilgan ishlar natijasida 13 nafar fuqaro doimiy ish o‘rni bilan ta’minlangani alohida ta’kidlandi. O‘rganish yakunida aniqlangan kamchiliklarni bartaraf etish hamda mavjud ijobiy tajribalarni yanada rivojlantirish yuzasidan tegishli tavsiyalar berildi.